نساء من مصر

نجلاء محرم ،وفاء المصري ،الست بثينة
ما سر قوة الشاعرة وفاء المصري ومغامرتها في إصدارها ديوانها الأول
"ولا حاجة " في مجتمع لا يقدر المبدعات وتغلبها حتى علي مضايقات اقرب الناس لها حتى تتمكن من أعظم فعل إنساني وهو الكتابة بحرية .
ما سبب دأب القاصة نجلاء محرم في الإنفاق علي مسابقتها في القصة القصيرة والمجلة وكتاب" الفائزون" كل عام دون انتظار لكلمة شكر وسعيها الدائم لتطوير مشروع المسابقة وحلمها بتكوين رابطة من مبدعي تلك المسابقة أما "الست بثينة " حدوته طويلة من طول عمرها "ربنا يديك الصحة وطول العمر يا ست الكل " أكثر من 50 سنة تمثيل في مجتمع ضيق ومغلق مثل الفيوم وعشرات العروض والأدوار بمبالغ زهيدة وكثيرا بلا مقابل .
مين الممل اللي حب يضرب مثل بالعزيمة فقال : عزيمة الرجال
ومين العبقري اللي قال
مصر ولادة .

وفاء المصري

أن تكتب كتابا وتصدره علي نفقتك وتوزعه علي الأصدقاء والكتاب والصحفيين هو أمر شائع في مصر وهو ما جربته شاعرة العامية وفاء المصري في ديوانها الأول الجميل
ولا حاجة " لكنها أصدرت بعدها كتابا عن" :
ما قدمه العرب لفلسطين من عام 48 حتى الآن
والكتاب بكل صفحاته عبارة عن صفحات بيضاء ناصعة
هكذا رأت وفاء المصري ما فعله العرب ..فالحكومات العربية استمدت منذ الخمسينات شرعيتها من " تحرير فلسطين "
فلا عادت فلسطين ولا ذهبت الحكومات العربية بل ولحقت العراق بأختها فلسطين وربنا يستر علي لبنان وسوريا وغيرهم .
وأمجاد يا عرب أمجاد .

رواية الديكتاتور

كان من المفترض أن انشر هذا الموضوع في جريدة الدستور ( كانت قد توقفت وحاول إبراهيم عيسي إعادتها ثم توقف مشروع إعادتها..وعندما عادت الجريدة كنت أنا قد ابتعدت ..علي أي حال هاهي آراءهم بلا تصرف نظرا لأهميتها
وخالص الشكر لأصحابها ممن اقتطعوا من أوقاتهم وجهدهم للمشاركة في الموضوع بلا مقابل ..(

ليس مهما من كتب الروايات التي صدرت باسم صدام حسين ..المهم الآن من كتب عن الديكتاتور .. فرغم أننا نعاني من الديكتاتورية ربما أكثر من أمريكا اللاتينية لكن لديهم تيار قوي من الروايات تعاملت مع شخصية الديكتاتور بكل جرأة وإبداع يحسب لهم مثل رواية خريف البطريرك لجابرييل جارثيا ماركيز وحفلة التيس لماريو برجاس يوسا وغيرها ..عندما ثارت التساؤلات ذهبت إلي النقاد بحكم متابعتهم للمشهد الروائي في العالمين العربي والغربي ..
يقول د:شاكر عبد الحميد :
الروايات التي جسدت موضوع الديكتاتور في الأدب العربي ليست كثيرة ولا بارزة ولكن شخصية الديكتاتور موجودة علي المستوي الصغير في "العسكري الأسود "ليوسف إدريس وعلي المستوي الاجتماعي في شخصية "السيد أحمد عبد الجواد " في ثلاثية نجيب محفوظ ..ولكن الرواية العربية ألمحت كثيرا لشخصية الديكتاتور دون أن تجسدها بشكل متنامي وفعال كما فعلت أمريكا اللاتينية ..

بينما يري د:رمضان بسطاويسي :
أن الديكتاتورية فكرة أعمق من فكرة الطاغية فالديكتاتور ليس شخصا في حد ذاته وإنما هو فكرة تتحول إلي ممارسات يومية تمارس تأثيرها علي الأفراد وتكرس لسيادة نظام يدعم فئة أو شريحة أو سيادة نمط واحد من الحياة فالشخص يمكن أن يموت لكن النظام يبقي ويولد لنا مزيدا من الطغاة ..ويكمن أن نعتبر نماذج لذلك :
رواية " اللجنة " لصنع الله إبراهيم ورواية
"حكايات المؤسسة “ لجمال الغيطاني بل يمكن أن نعتبر معظم الروايات العربية تناولت الديكتاتورية بشكل أو آخر .
أما عن المشهد الروائي الغربي يقول د:وائل غالي :
ليست رواية الطاغية تخصصا معينا في الإبداع في أمريكا اللاتينية إنما الكتابة الروائية قديمة قدم الرواية نفسها ،فعندما نشرت الناقدة الألمانية المعاصرة حنه آريندت تمثيلا لا حصرا كتابها الرائد عن "أصول حكم الحزب الواحد " في العام 1951 كانت الحرب العالمية الثانية قد انتهت وكان هتلر قد مات لكن ستالين عاش وحكم وتم استنساخه إذا جاز التعبير في العالم العربي في الصورة البعثية وغيرها من التطبيقات النوعية في العصر الحديث ،أرادات آريندت صياغة معني الحقيقة المخيفة لحكم الحزب الواحد وظهوره في العالم كإفزاع وكشكل جديد تماما من الحكومة جنبا إلي جنب مع استحضار نماذج من تاريخ الكتابة الروائية الغربية عن الطاغية .بحثت عن العناصر الخفية في الإمبريالية الأوربية التي توافقت مع الحركات الاستبدادية ،كما توافق الكلام علي الطاغية ورواية الطاغية مع التدخل العسكري الخارجي في العراق المحتل الآن وفي بلدان العالم كافة ،من قبل .استكشفت آريندت نظام تلك الحركات وشرحت البناء القوي للنازية والستالينية ،ودرست بدقة "ادعاء " تلك الأنظمة في الهيمنة العالمية .ركزت بشكل رئيس علي النازية ،ولكن كانت آريندت ملمة بأصول حكم الحزب الواحد في روسيا .إن التعقيد الهائل لأصول حكم الحزب الواحد يصدر عن تعقيد مفهوم حكم الحزب الواحد بوصفه يشمل النازية والستالينية .تعاملت المحاضرة الأولي مع استحضار حكم الحزب الواحد لأصناف تقليدية في الحكم .هكذا منذ بداية التاريخ الإنساني وردت مسألة حكم الحزب الواحد .

أما عن احتلال العراق وآثاره علي الرواية العربية في الفترة القادمة ..يقول د:شاكر عبد الحميد :
أعتقد أن ما حدث في العراق سوف يؤثر في الرواية لكن ليس بشكل مباشر ولا سريع ..فلابد من فترة تأمل واستيعاب ثم تجسيد للرؤية الجديدة ..فأتوقع بسبب ممارسات الاحتلال الأمريكي في العراق وانكشاف أكاذيب أسلحة الدمار الشامل سوف يعاد النظر في التفكك العربي وتنامي الشعور بالهوية العربية الكامنة أو المغيبة مؤقتا ..وان يقوم الأدباء بالتعبير عن ذلك من خلال اتجاهات متمردة وجديدة ورافضة وحالمة بمستقبل أفضل ولكن نحتاج بعض الوقت وبعض التأمل ..

وعن رأيه في تأثير ما حدث في العراق علي الرواية العربية
يقول د: رمضان بسطاويسي :
إن ما حدث سوف يكون له تجليات وظلك بالابتعاد عن الشعارات الكبرى والاقتراب من الحياة وتسجيلها وإعادة اختبار كثير من المسلمات التي سيطرت علي العقل العربي ومحاولة اكتشاف صيغة جديدة للحياة تكون أكثر قدرة علي استيعاب المستويات العميقة للحياة .
أشرف نصر

الرسالة وصلت يا مبارك

بعد سجن كريم عامر
كانت رسالة النظام المصري واضحة
صبري خلص يا بتوع النت
ويا كل حر في مصر
اللي هيتكلم
هنسجنه والتهم كتير والقوانين مفيش اكتر منها
ومفيش مانع مع تهمه الهجوم علي الرئيس المعظم
يكون معاها تحابيش الدفاع عن الدين
طبعا مش النظام الخالد
اكثر من يحمي الدين
واكثر من يرعي الله في شعبه
ومداااااااااااااااااااااااااااااااااااااااااااااادد
يا حماة الدين
مدد

رسالة إلي المدون كريم عامر

المفروض من حقك أن تقول رأيك
ومن حقي وحق أي رافض لتلك الآراء الرد عليك
لكن هل من حقهم التحريض ضدك
هل من حقهم سجنك علي رأي
وهل هناك من يضمن بعد الآن عدم قتلك
يا ابني انت في مصر
!!صح النوم

مصطفي بكري ..ممكن سؤال

قد يكون لديك رد حول سر دفاعك عن الأنجال علاء وجمال وقت أزمة مقال الاحتكار ..وعن الأب من قبل ومن بعد ..وقد يكون لديك رد حول من يسرب لك معلومات ملفات الفساد لمن حل عليهم غضب النظام بعد طول الرضا ..وقد يكون لديك رد حول علاقتك القديمة بصدام ..يا مفتري شبهته بعمر المختار وجميلة بوحريد ..لكن شفتك (في برنامج العاشرة مساءً )بتحرض علي المدون كريم عامر ..
وشايف السجن مش كفاية (نقتله وترتاح يعني) ونخلص
قلت بس أسالك يا تري يوم الحساب
هترد بإيه لما ربنا يسألك :من جعلك تتحدث باسمي

وتحكم علي عبد وسعته تحت سمائي

!! وما عجزت عن أن تسعه رحمتي

بنادي عليكي

انا متعود منك علي صدف
أغرب من السينما والحياة
متعود منك علي حاجات مستحيلة
يبقي مش غريب أتوقع
ان من بين الملايين اللي بيدخلوا ع النت
وكلهم تقريبا مبيبصوش ع المدونة بتاعتي
!!ومش مهم قوي
علشان كده متوقع منك
ومنك انتي بالتحديد
انك تدخلي هنا
عاوز بس اقولك
وحشتيني
أشرف

الأستاذ غير فقط رقم تليفونه

إلي الأستاذ / محسن زايد
:سؤال
!من ذلك الغبي الذي يظن أن الموتى يتبخرون ؟
:مفتتح
لأني أعرف مواليد برج الأسد هؤلاء ..بأعماق كل واحد منهم جمرة شعور بالعظمة .. تدفعهم دائما إلي جذب انتباه الآخرين ..وهل هناك اكثر من ذلك الاعتكاف الأخير جذبا للانتباه ..
- لقد عاد للصومعة .
هذا ما يتبادر للذهن عندما نفكر بتأني اكثر وهدوء لا تشوشه دموع الجنازة .. أو حرقة النعش الذاهب بعيدا .
:تعديل أول للسؤال
!من ذلك الغبي الذي يظن أن المبدعين يموتون ؟
:قالوا
" أمي بكت علي أربعه في حياتها .. أمها .. وعبد الناصر.. وعاطف الطيب .. والأستاذ "
صديق عن أمه ربه البيت العادية جدا .
" الوحيد الذي نبتسم كلما تذكرناه "
أحد تلاميذه بالمعهد .
" هو يسلم عليك "
ابنته بعد الاعتكاف الأخير .
:وقالوا
" ابتهجوا لرحيله .. فقد سئم الأقنعة المزيفة "
صحفي لم يقابله .
" تري علي من بكي سيد حجاب عندما جاءه الخبر "
سؤال في ندوة حجاب بالفيوم .
" وداعا يا أبا تمنيته "
إحدى تلميذاته .
:وقال
" لماذا كان ذلك كذلك "
أشهر أقواله .
" عندما كنت أحارب ..كنت أنت علي مقهى ريش "
ردا علي من حاول المزايدة عليه .
" أنا شخصيه في سيناريو من صنع الخالق الأعظم "
في أخر لقاء .
:تعديل آخر للسؤال
!من ذلك الغبي الذي يظن أن الأستاذ غاب ؟
:أسباب
لأنه وهو القاهري حتى النخاع.. والذي تفتح وعيه علي صخب الأحياء الشعبية .. وصوت صاجات باعه العرقسوس ..وابتهالات الناس عند رئيسه الديوان ..
!فقد كان غريبا أن يذهب للإسكندرية
ولأنه المبتهل في محراب الكتابة .. والمتعبد في دهاليز الحروف ..والمتبحر في بحور كتابة نجيب محفوظ ..وأهم من استخرج كنوزها وصاغها في لآلي داخل كادر ..
كان شاقا جدا علي النفس ما
حدث في حديث الصباح والمساء .
ولأنه حارب في شبابه العدو الواضح لنا .. اعتاد بعدها المعارك مع الأعداء الخفية .. لكن بعد كل هذه السنوات كيف يواجه استنزاف المنافقين والفاشلين والأدعياء..
فاختار طول الاعتكاف في صومعته .
:اعتقاد
لأننا لا نشعر بغيابه .. ولأننا نحس به في كل موقف يمر بنا .. ولان ضحكاته ترن في آذاننا دائما ..وأصبحنا نتباري في استنتاج تعليقاته الساخرة والصارخة في أحداثنا الجديدة ..
أعتقد – من العقيدة وليس من الظن – انه معنا ..
ولكنه فقط غير صومعته ..
ليس فقط لإراحتنا من مشقة السفر للإسكندرية .. وانما لأنه عاد للقاهرة التي يتوضأ بهوائها ..ويتنفس بوجوه أهلها .. ويتعطر بأحلام لا تفارق دروبها منذ آلاف السنين ..
وسنعرف تباعا تلك الصومعة الجديدة ..

لكن تري من أولنا وصولا إليها؟؟
:نداء
نحن نبحث عن رقم تليفونك الجديد لأننا فقط نشتاق لصوتك

اشرف .

من اجواء رواية :من حكايات سنورس

لقد دخل الإسلام أرضا جديدة - .
هكذا هتف الشيخ حسن البنا بكل قوته ..والقطار يبدأ في التباطؤ من اجل الوصول ..تابع الشيخ بلهفة عشرات الواقفين علي الرصيف .. انتشي وهو يملأ صدره بالهواء يمني نفسه بأن البلدة قد خرجت عن بكرة أبيها لاستقباله .. ثم طرد الخاطر سريعا وهو يعلم أن البلدة لم تخرج سوي لاستقبال القطار .. كانت المحطة قد أنشئت منذ فترة علي الطراز الإنجليزي ..وشغلت الناس بنظافتها ولمعان جدرانها وشكل السقف المميز واللوحة المكتوب عليها بحروف بارزة
"سنورس "

مفتتح رواية " من حكايات سنورس "
المنشورة في سلسلة إبداعات هيئة قصور الثقافة مصر 2003 .

من رباعيات :علي عتبة بيتنا

لو مكسورة الأشعار .. أنا حزني سليم
لو طالعة مجنونة عمري ما كنت حكيم
لو شايفنها كتيرة ذنوبي
مالكم .. مش بتقولوا الرب رحيم

من رباعيات " علي عتبة بيتنا ....."
نشرت عام 2006
موقع كتب عربية

من أجواء :صوت الكمان

يحن البيت لسكانه ..
تعشش علي زواياه رائحة أمسياتهم ..
ومازالت ترن فيه أصداء ضحكاتهم ..
وتهفو جدرانه الرطبة لظهورهم ..
وحين يمل البيت ينكمش في صمت
غارقا في الحزن .
أشرف نصر
من مجموعة " صوت الكمان " مطبعة مصر 2000

بيتنا الجميل

روحي اللي متعلقة بروحك بحبل سُري غريب
طلع بينها وبين ربنا عمار مالوش آخر ..
ولما بعت ملايكته تصعد بيها اتوسلت ..
واستجاب الرب وخلاها جنبك شويه ..
ومن ساعتها وقفوا الملايكة علي بيبان قلبي ..
كل ما يفكر لحظه بس ينساكى يرتجف..
وأنا العبيط فاكر رجفته خوف أو نسمه هوا ..
لكنه الهوى
وحين تحاصرني قسوة كلماتك أخرج من عينيك جراب الحاوي ..وألملم ثورتك التي تتقافز علي سلالم البيت القديم..
وحين أقاطعك بسؤال عابر عن لون شعرك الأول ..
تنسي ذاكرتك سخف الأشياء اليومية..
وتعود لشفتيك أجمل الابتسامات التي تملكينها ..
ثوان تلك ننسي فيها أنفسنا ..
وتبزغ دمعة سعادة وحيدة في عينيك ..
وقبل أن تمتد يدي المشتاقة لتمسحها ..

تتذكرين
ونرجع لسراديب نفس الكلام السخيف من حوالينا ..
ونتمرجح تاني مين فينا غلط ..
ومين فينا برضه غلط..
ومن تاني نوزن غلطنا..
والفرق اللي يطلع
نشحن بيه بطاريات زعل جديدة..

وأشتاق إليك في حضرتك
وأحن إلي عينيك في الغياب
يا من بأمرك صادقت السهر
ونسيت من طول الليالي الحساب
وغرقت في ثنايا صورتك
سراب just حتي حين لقيتك حسبتك

واكسر عشانك أوزان الشعر والخبط كلامه..
واتوه بين الحروف ..
ويفضل بس اسمك علي طرف لساني ..
وأظن يوم الصعود ..
ولما تحاوطني الملايكة ..
وتسألني اسم الكريم ..
هاندفع وأقول اسمك..
ساعتها نضحك سوا علي اللخبطة ..
وساعتها بس يدوب العتاب..
وساعتها بس ننسي كل اللي فات ..
وأنا وأنت في بيتنا الجميل …

!!هناك بين السحاب

إليك

:يا سيدي

بحق من أحبوك .. بحق من أطاعوك ..
بحق من خافوا من بطشك ..بحق الحق ..
لا تتركنا هكذا
أصبحنا جميعا كرات علي منضدة البلياردو ..فلماذا تترك كرة ضخمة تضربنا واحدا تلو الآخر .. وتهوي بنا إلي تلك الهوة المظلمة.. ليست تلك قواعد اللعبة .. لأن الكرة الضخمة ليست أنت .
يا سيدي :
نحن حمقي .. أغبياء .. جاحدون بفضلك ..
لكن عاقبنا أنت
لا تترك لأحد الحديث باسمك .. وصك الصكوك بخاتمك.. إرادتك هي فعلك بنا .. لكن فعل الآخرين بنا ليس إرادتك ..
يا سيدي :
اغفر جرأتي .. وتجاوز عن تطاولي .. وارحم ضعفي .
.فلمن أشكو غيرك ..
كيف أشكرك وقلبي يئن من أوجاع أكبر مما يحتمل ..
يا سيدي :
صيف .. وشتاء .. وأعوام ستمر .. لكن مرور الوقت لا يعني سكونا أبدا .. كل لحظه تعني نارا جديدة في الصدور ..وحقدا مشتعلا في القلوب ..
يا سيدي :
تتلعثم الكلمات علي الشفاه .. لكن تري ما فائدة الكلمات وأنت تعلمها .. ما جدوى الشكوى وأنت أدري بالوجع ..ما فائدة النداء .. وأنت أقرب من خاطرة الذهن .
يا سيدي :
لست وحدي ..إن كنت لا استحق ..
فمن بيننا من يستحق ..فلا تتركه وحده..
يا سيدي :
لا أخاف أحداً غيرك .. ولن أهاب من يحاول منعي من الحديث إليك .. ولا أعبأ بوكلاء لم توكل أحدهم .. فليذهبوا بعيدا عني ..
مني ..إليك
فأرسل منك ..
إلي
يا سيدي :
لو كنا نعرف سيدا غيرك لذهبنا إليه ..لو كنا نشك لحظه في قدرتك لما جئنا إليك ..
لكنك واحد
وغيرك عدم
فلا تتركنا للعدم
يا سيدي :
نحن هنا !!!

من : أشرف نصر

انتحار واحد اعرفه

الولد بيقول عن نفسه انه رومانسي
ولما بيزعل منها بيسميها رومانسية سخيفة ..
الولد زى كل الناس بيردد ليل نهار كلمة انتحار وهانتحر ويرسم ألف سيناريو لظروف انتحاره..
ومن جواه كل دي ألاعيب وبخور بيطرد بيها الاحتمال من جواه..أصل الولد ببساطه مجنون بالدنيا
وبيعشق طراطيف طراطيف ملامحها ..
وكفاية عليه فيلم ولا رواية ولا مكالمة واحد صاحبه تطلع الضحك من جوه ضلوعه..
وتخلي حدوته الانتحار ومفارقة الدنيا مجرد بواخه وهتعدي..
وزى كل الناس يرجع يشاغب ويا الدنيا ويسب لها - طبعا في سره - مش قولنا مجنون بيها ..
وعلي طول يضحك ويجري ويزاحم ويبني علاقات غير اللي اتدربكت علي دماغ سعادته..
علي فكره الولد مش شرط مشاكله تكون عاطفية وحب ونهنهة بقي ومواويل – مع انه غرقان فيها – لكن أحيانا حاجات تانيه وفي نظر ناس تانيين الحاجات دي صغيرة وتافهة ..
وان سعادته مجرد واد طري ولازم يجمد بقي ..
ومع انه مصدق فعلا انه أطرى من اللازم ..
لكنه كمان مصدق إن الدنيا صعبه وابوخ من أي احتمال ..الولد طلباته كتير كتير كتير جدا من الدنيا ..
وفي نفس الوقت قليلة قليلة قليلة برضه .. ازاي !! ..اشرح لك ..
أصله عشمان فيها والعشمان طماع والطماع لابس نضاره مزهزهه كل الحاجات قدامه فتخليه عايز..
المحبوبة والكتابة والصحبة والأهل وشويه أوضاع سياسية تكون مظبوطه.. لكنه كمان بيرضي بأقل القليل منها ..
فلا عمره طلب مال ولا جاه ولا منصب – طبعا بدرجات –
لأ وحتى كل طلباته اللي فاتت مستعد إن حاجات تتلخبط فيها بس بشرط إن التانيه تكون مظبوطة ..
وهو ده العدل في نظره .. إنما أحيانا إن الدنيا تكون قفلت من كل النواحي زى الضمنه ..
لدرجه انه لما بيبعت اشاره استغاثة وحد من أصحابه بيستقبل الإشارة ..
اكتر حاجه بيطلبها الولد ساعتها إن الصاحب ميسألش :
- هو فيه ايه ؟!
جايز لأن الولد متعلمش يفضفض وجايز لأن فيه إحساس ملازمه إن أي مشكله مهما كبرت لما بيحكيها بتكون عبيطه عبيطه لدرجه تغيظه ..
وجايز اكتر لأن كل اللي محتاج له هو استقبال الإشارة من اللي حواليه ..
أما المشاكل فأكيد الدنيا اللي بينها وبينه كل العشم ده هتعديها له ..
الولد أنا عارفه ومقدر حكاية عشقه للدنيا .. لكنه أحيانا يجنني بأفعاله ..
علشان كده بيجينى إحساس انه ممكن يعملها ويريح نفسه وينتحر ..
بس ساعتها هيكون بقاله فتره ما بيجبش سيرة الموت .. رغم انه هيكون ما بيبطلش تفكير فيه ..
وساعتها هيكفر لحظه بحكاية عشقه للدنيا ..
وهيشوف إن مفيش جدوى من لعبه الإستغاثه بالأصحاب..
فيروح مبطل تفكير لحظه ويعملها ..
جايز جداً .

دعاء المصريين

بمناسبة رأس السنة الهجرية :اللهم اننا
قد صبرنا عليه ربع قرن
فاعفوا عنا .واغفر لنا .وارحمنا
واجعله عام "سعيد"او "سيد "او "حسن "بس
وحياة حبيبك النبي
بلاش مبارك
امين يا رب
(كانت تلك رسالة صديقي في رأس السنة الهجرية )
مش كتير علينا يا رب
!!"ولا عاوزين مال ولا "جمال"

خصخصة البيب بي

سيبك من الكلام الفارغ بتاع التعديلات الدستورية
والحكومة والمعارضة والكلام الفارغ ده
النهاردة في المصري اليوم خبر 3سطور عن ان
محافظة القاهرة قررت خصخصة دورات المياة العامة
يعني ببساطة
عزيزي المواطن المزنوق
سيبك من الربع جنية اللي كنت بتفنجر بيه علي العامل الغلبان
بعد كده
يا تدفع بسعر القطاع الخاص
واهوه تتفرج ع الاعلانات بتاعة الراعي الرسمي لدورة المياة
يا إما تنضم للناس اللي بتفك حصرتها تحت الكوبري
خرة مش كده
عظيمة يا مصر

قانا الثانية

وقائع الأحد 30/7/2006
1-استيقظت متاخرا
2- الجزيرة :غيرت عنوان"الحرب الثانية"إلي قانا الثانية
3- الفضائية المصرية :مبارك يدين مجزرة قانا ويصفها بالعمل غير المسئول
4- الحرة :رايس تلغي زيارتها للبنان
5- mbc 2:تعيد فيلم "beautiful mind"
6- روتانا سينما :فيلم يرتدي فيه أحمد بدير ملابس امرأة في كبارية
7- اشتري الجرائد :في الاسبوع :الله اكبر يا نصر الله
المصري اليوم :هزيمة برية لاسرائيل في بنت جبيل
صوت الأمة :مصر مهانة خارجيا ..منهارة داخليا
8- الجزيرة : تعرض صورالمزبحة
وكلام لشخص فقد عائلته بالكامل
9- العربية : فرنسا تطالب بوقف فوري للنار
10- الفضائية المصرية : فيلم "غرام الأفاعي "
11- دبي :تعرض صور الأطفال القتلي
12- الحرة :اولمرت يرفض وقف اطلاق النار
والخارجية الاسرائية تعبر عن اسفها عن المزبحة
وتحمل حزب الله المسئولية
13- دريم 2: :high style برنامج
14- ميلودي : أغنية : بوس الواوا
15- عين : برنامج يناقش هل نحن مجتمع محافظ متدين
16 - teenz art :كابتن راجح
17- الجزيرة : تواصل عرض صور الاطفال والانقاض
18- روتانا : اهم المستجدات الفنية من حفلات ولقاءات
19- المنار : قصيدة عامية لشاعر مصري عن لبنان
20- لمازا استيقظت متأخرا ..لمازا ..لمازا ؟؟؟؟؟؟؟؟؟؟

ملحوظة : عثرت علي ورقة مهترئة اليوم بها هزة الوقائع ..فقلت ميزة المدونة انها لا تتمزق
لكن الاهم :انك يمكن ان تحزف العنوان فقط
!!وتضع أي مأساة عربية أخري
أشرف

شخبطة

بصوا بقي
من غير رغي او فزلكة او طنطنه ..الموضوع معايا مش جديد..ناس تشوفها وتبدأ بالسلام ..والتعارف ..ويتسرسب بينكم كلام ..وبدون ما تاخد بالك تتورط وتصدق وتتواعدوا وتتفقوا وتتبادلوا الارقام والكتب والاهم منها الحكايات ..
فجأة تكتشف يا مؤمن ..ان تاريخك اتنطور ف شويه حكايات مبتورة من غير ما تاخد بالك ..او حزرك او حتي ترش مكياج علي روحك ..تلاقيك عارض ع الناس خرابيشك ..
ومش فاكر قوي كلمة امل لكنها تقريبا كده :
رفسة من فرس
تركت في الجبين شجا
وعلمت القلب ان يحترس
لكن حاول مهما تحاول ..
برضه هتفلت منك كلمة ف حدوتة يا مسكين
وتطلع ولو حتى ضحكة سازجة علي كلمة فارغة ..بس ساعتها هتكون ضحكة بجد ..تخيل
ويا غلبان تتكعبل وتتكلم ..واول ما الكلمة تطلع تطلع ملانه بتراب بلدك علي كلمتين من كتبك علي شمس العاصمة السخيفة وانت ف عز اغسطس وشايل حواديتك ودايخ علي حته عنوان ..
ساكت :متعمد
دمي تقيل : امركوا لله
مغرور : ابدا خالص
بس احتمال
مجنون : ده انا متأكد منه
بس استني استني مش يمكن كلهم زيك
وبيداروا ع الحاجات والمحتاجات
بالضحكات والتنظيرات والحوارات والمساجلات والكلكعات وكل اللي بيخلص بال ات ات
هوه فيه آت
برضه ممكن
كل حاجة فيك يا دنيا ممكن
وف مصر بالتحديد
الاكيد والمستحيل برضه ممكن
دول حتي ممكن يندموا ..لما قالوا اتكلم
وهيقولوا كلمة تصبح بعدها مثل :
سكت كتيييييييييييييييييييييييير
واتكلم شخبطة
بس
إنما مفيش خلاص
أشرف سوهاج 14/12/2006
ملحوظة :حرف الزال بايظ
يلا بقي
سلام

صباح الفل

يخرب عقلك يا شريف يا بنداري علي فيلمك صباح الفل
مثال ممتاز للفيلم القصير
المفروض اقعد انظر واقول علي سبب اعجابي
لكن الفيلم ما يتحكيش لبساطته الشديدة المهم مشاهدته
وجميلة هند صبري "لما تمثل "بس خلاص
أشرف

مهرجان القاهرة للسينما المستقلة

عقد المهرجان بالتاون هاوس بالقاهرة
الفكرة ممتازة وخاصة علي هامش مهرجان القاهرة السينمائي الدولي
ونحتاج الي :1- تقليل التكريم في الدورات القادمة ليحتفظ بقيمته
طبعا الاهم يتكرر
2- منح جوائز عبر آراء الجمهور
3- الدقة في المواعيد ومحاولة البحث عن مشاركات اكثر من الخارج
عارف انها لسه الدورة الاولي
لكن الحماس لفكرة ممتازة هو سبب الطموح الاكبر
أشرف