يحيا الظلم ..تعظيم سلام للفساد في مصر

قاتل 1035 مصري في العبارة السلام 98 حصل على البراءة في قضية غرق العبارة

أولا:فتحوا مطار القاهرة ليخرج القاتل

ثانيا: بدأوا حملة لكتم كل صوت يشير لشراكته لرئيس ديوان الجمهورية

ثالثا: قاموا بصخب وضجيج حول تقرير لجنة النقل في مجلس الشعب ثم سكون تام ونام التقرير في الدرج

رابعا: النيابة العامة وصفت القضية علي انها جنحة وليست جناية

أخيرا: حصل على حكم بالبراءة

محامي أسر الضحايا قال:ده سواق نقل داس 15 بنت خد 10 سنين سجن

ونسي المحامي إننا نتحدث عن الملاك الطاهر والمسكين ورجل الحزب الوطني الشريف ممدوح اسماعيل

يحيا الظلم

وعاش الفساد في مصر المحروسة

على هامش مسلسل مرتضي منصور

مش مهم تكون زملكاوي ..مش مهم تكون بتحب الكورة ..مش مهم عايش ف مصر أو مجرد متابع لأخبارها

المهم انك اكيد تابعت المسلسل الهابط اللى حصل وبيحصل وهيحصل فى نادي الزمالك

الأهم والأخطر بقي ان تأثير المسلسل الهابط اصبح اهم عند الناس من ارتفاع الاسعار وطابور العيش وازمة البنزين واحتكار الحديد ودم ناس العبارة واهم من كل حاجة ف مصر النهاردة

لكن المسرح العبثي صحيح ف حكاية ملفات مرتضي وتصوير نفسه على ان عنده ملفات لكل المفسدين ف مصر

يبقي فيه 3 احتمالات : انها ملفات حقيقية ولازم كل الناس دي تترمي ف السجن من بكره

ولازم نصرخ فين النائب العام من الموضوع ده

الاحتمال التاني انه كلام تهويش يبقي لازم نعرف ليه هوه مدخلش السجن بتهمة السب والقذف

ومين بالظبط اللي بيحميه

الاحتمال التالت هو السيناريو الكارثي والاخطر علي البلد دي

ان الحكاية كلها صراع مجموعات فساد وكل منهم له من يحميه

أزمة نادي الزمالك ممكن تتحل بتخلص الجمعية العمومية من 1 أو 10 أو حتى 100 بيخربوه

لكن أزمة الملفات في البلد دي مين يحلها

ورغم اني زي كل المصريين معجون كورة لكن مش معقولة كمان البلد تولع بسبب انتخابات أحد الأندية

ولا يتحرك أحد لكل الفساد الذي ظهر في البر والبحر

وكمان في الجو ولا ناسيين الطيارة اللي وقعت في امريكا

فى حضرة النقد

ليلة جادة هادئة دافئة

سعيد أننى فعلت كما تعلمت

اكتب نصك واترك للناس التلقي

كلُ كما يشاء

سعيد- مندهش-متحمس للكتابة أكثر

أشرف

رابط تغطية أخبار الأدب للندوة

http://www.akhbarelyom.org.eg/adab/issues/783/0904.html