Dec 30, 2007

عماد الكبير شخصية العام



بدل مولد الاستفتاءات اخترت احسن شخصية في 2007 وهو عماد الكبير سائق الميكروباص الذي فضح التعذيب في مصر وظل يطارد المجرم حتى يحصل على حقه ونجح في سجن الضابط الذي ظن نفسه إلها

وطبعا أسوا شخصية في 2007 هو صاحب الصورة التالية

عقبال بقية المجرمين
أشرف

Dec 24, 2007

السينما المصرية عدد خاص من مجلة الهلال


تحت عنوان السينما المصرية قرن من سحر الفن السابع أصدرت مجلة الهلال عددا تذكاريا هذا الشهر يحوى عشرات المقالات والصور عن تلك السينما ..تقريبا خطفت العدد من عند البائع ..التهمت صفحاته فى ليلة واحدة ..لكن للأسف الشديد خرجت باستفادة أقل كثيرا من توقعاتى ..استمتعت جدا بالصور فأنا مثل الكثيرين من عشاق أفيشات وصور الأفلام وهو ما توفر في العدد ..لكن الاحباط جاء من المقالات بالعدد فكثير جدا منها آراء انطباعية صحفية لا تحمل المفيد من المعلومات بل وحوت بعضها الأخطاء ولا يوجد سوى دراسة واحدة كتبها المخرج سيد سعيد ..
حتى الذكريات تميزت بعضها بسبب الكتاب أنفسهم مثل الكاتب محفوظ عبد الرحمن ويوسف القعيد ود.رفيق الصبان
لكن مثلا هناك مقالة لا محل لها من الإعراب هى بنت الصياد لدكتور سامى منير عامر فهى عن ذكرياته مع فرقة مسرحية فى مرحلة الجامعة وطلب من صاحبها مرة أن يعلق على أحد الأفلام كما احتوى العدد علي مقالات لصحفيين في دار الهلال دون فائدة تذكر وهى مساحة كان يستحقها أهل السينما من مخرجين وكتاب ومصورين وغيرهم
الملاحظة العامة : أن هناك من خسف بالسينما المصرية الأرض ويرى أنها لا تستحق شيئا مثل الناقد مصطفى درويش الذى لا يرى فيها أى فيلم يستحق الاهتمام إلا فيلم المومياء ويتحدث عما أثاره من اهتمام الغرب بالسينما المصرية
ومع عشقى لفيلم المومياء لكن رأى الناقد فيه مجافاة للواقع الذى يقول أن لدينا غيره
عدد مجلة الهلال
كثير من الصور " الجميلة " - قليل من الموضوعية
وندرة في المقالات المفيدة
أشرف نصر

Dec 18, 2007

كل سنة وأنتم طيبين يا حلوين


كل سنة والمسلم بخير بمناسبة عيد الأضحى المبارك
وكل سنة والمسيحى بخير بمناسبة أعياد الميلاد
كل سنة ومصر بخير
الصورة من :
3rbe.com

Dec 17, 2007

سجن اسلام نبيه مش نهاية المشوار



اولا : البوستر من مدونة بنت مصرية وهتلاقي لينك لها تحت عنوان : مدونات أحبها علي يمين الصفحة هنا في مدونتي

ثانيا : الظاهر اننا بالغنا في فرحتنا بالحكم علي اسلام نبيه بالسجن ( البيه عذب المواطن عماد الكبير ) وافتكرنا أو علي الأقل انا افتكرت انها اكيد هتخلي ( البهوات ) ظباط الشرطة هيتلموا شوية ويبطلوا بهدلة خلق الله

ثالثا : طلعت قضية عماد الكبير مجرد ( قمة جبل الجليد ) وعند الداخلية من كده كتير

رابعا : سبب كل كلامي ده انه ظهر كليب تعذيب جديد لضحية جديدة ...الكليب الجديد موجود علي مدونة الوعي المصري (وائل عباس ) وحط الكليب الجديد تحت عنوان ( شخ علي نفسك ) لأنها الطريقة الجديدة اللي تلذذ بها الظابط المريض عند طلب المواطن الذهاب للحمام..لأني بجد قرفان من الموضوع ده ومن الناس دول لازم اختم واقولكم انه برضه مدونة الوعي المصري هتلاقي لينك ليها علي يمين الصفحة هنا

أشرف

سفينة الوطن التي تغرق

أمرك عجيب يا دنيا ..هم فقراء "غلابة لا سرقوا ولا نهبوا " لكن حاولوا فقط النجاة ..أتعبتهم سفينة الوطن التي تغرقها الأمواج وسمعوا عن بلاد بعيدة فحلموا بشط نجاة ..من الظلم القول بأنهم هربوا ..هم مثلنا جميعا يبحثون عن فرصة لحياة آدمية فجمعوا المال والمتاع ليس هربا بل علي أمل بالعودة لإعادة الحياة لمن بقي من أهلهم في سفينة الوطن ..لكن الدنيا خدعتهم فركبوا في مراكب موت سريع فتلقفهم المحيط المتوحش ..ركب الفقراء مراكب مثقوبة فغرقت بهم ..تركوا خلفهم الحسرة لأسرهم وتركوا في الوطن ناس كالوحوش ينهشون جثثهم مثل من قال انهم "طماعين " ومن قال انهم شهداء بينما هم تركوا الدنيا كلها خلفهم ..هم لا يريدون وسيطا بينهم وبين ربهم ..ولا يريدون من أحد تذكرة لدخول الجنة ..هم ذهبوا في معركتهم باحثين عن الحياة فاعترضهم الموت .
عجيب أمرك يا دنيا ..عرف هؤلاء مصيرهم فتري ماذا تفعلين بنا نحن الباقون في سفينة الوطن التي تغرق شيئا فشيئا
أشرف نصر
ملحوظة لمن لا يعرف : غرقت مجموعة جديدة من المهاجرين .

Dec 12, 2007

مؤلفات سيد الرواية



ذكري ميلاد الأستاذ نجيب محفوظ ( هنا تستطيع أن تضع آلاف الألقاب والأوصاف الرائعة ) كانت بالأمس فقد ولد في 11 ديسمبر 1911 ..وبما أن معرض القاهرة للكتاب اقترب وجدت ( أقل حاجة ) وضع قائمة بمؤلفاته ليستكمل من يحب قراءة ومطالعة بقية عوالم نجيب محفوظ البديعة
1- مصر القديمة " كتاب مترجم " عن الحضارة االفرعونية للمؤلف جيمس بيكي/ 2- همس الجنون " مجموعة قصص" 3 - عبث الأقدار " رواية "/ 4- رادوبيس " رواية "/ 5- كفاح طيبة "رواية " / 6- القاهرة الجديدة "رواية " / 7- خان الخليلي " رواية " / 8- زقاق المدق "رواية "/ 9- السراب " رواية " / 10- بداية ونهاية "رواية " / 11- الثلاثية ( بين القصرين - قصر الشوق - السكرية ) " رواية "/ 12- أولاد حارتنا " رواية " / 13- اللص والكلاب " رواية " / 14- السمان والخريف " رواية "/ 15- دنيا الله " مجموعة قصص" /
16- الطريق " رواية " / 17- بيت سيئ السمعة " مجموعة " / 18- الشحاذ " رواية " / 19- ثرثرة فوق النيل " رواية " / 20 - ميرامار " رواية " / 21- خمارة القط الأسود "مجموعة " / 22- تحت المظلة "مجموعة " / 23- حكاية بلا بداية ولا نهاية " مجموعة " / 24- شهر العسل " مجموعة " / 25- المرايا " رواية " /
26- الحب تحت المطر " رواية " / 27- الجريمة " مجموعة " / 28 - الكرنك " رواية " / 29- حكايات حارتنا "مجموعة " / 30- قلب الليل " رواية " / 31- حضرة المحترم " رواية " / 32- ملحمة الحرافيش "رواية "/
33- الحب فوق هضبة الهرم " مجموعة " / 34- الشيطان يعظ "قصص ومسرحيات قصيرة " / 35- عصر الحب "رواية " / 36- أفراح القبة "رواية " / 37- ليالي ألف ليلة "رواية " / 38- رأيت فيما يري النائم "مجموعة"/
39- الباقي من الزمن ساعة "رواية "/40- أمام العرش " حوار بين الحكام " / 41- رحلة ابن فطومة "رواية" /
42- التنظيم السري " مجموعة"/ 43- العائش في الحقيقة "رواية " / 44- يوم قتل الزعيم "رواية " /
45- حديث الصباح والمساء "رواية " / 46- صباح الورد " مجموعة " / 47- قشتمر " رواية " /
48- الفجر الكاذب "مجموعة " / 49 - أصداء السيرة الذاتية
50- أحلام فترة النقاهة
هذه هي القائمة وأنوي العودة مرة أخري للكتابة عنه كلما تيسر ذلك
الإنجاز هنا في الكم والكيف ( عيش واستمتع )
ملاحظة مهمة : الكتب موجودة في مكتبة مصر بالفجالة ( الطبعة الأقدم والأرخص ثمنا )
وموجودة في دار الشروق في ميدان طلعت حرب (الطبعة الأفخر وأغلي قليلا )
وطبعا بأماكن عرض المكتبتين بمعرض القاهرة الدولي للكتاب .
أشرف نصر

Dec 10, 2007

من المطالبة بالحرية للمطالبة بزيادة المرتب


هل تضاءلت أحلامنا لهذه الدرجة ؟
الصورة من : www.almasry-alyoum.com
وفيها الأستاذ / كمال أبو عيطه ( لم اعرفه شخصيا لكن كغيري ممن خرجوا في السنتين تلاتة اللي فاتوا ) رأيته كثيرا يقود المظاهرات بصوته الجهوري ويهتف بالشعارات المبتكرة والأغاني للتنديد بالديكتاتورية والظلم وسمعته يدافع عن الفقراء والمصريين ضد ربع قرن من الجمود والاستبداد والظلم ..
خفتت المظاهرات والتمديد تم لمبارك لست سنوات جديدة ليجثم فيها علي صدور الشعب المصري
والتوريث للنجل جمال علي قدم وساق وأصبحنا جميعا مشاهدين له وغالبا بلا اهتمام
ولم تبق الأوضاع الفاسدة كما هي بل زادت ألف مرة
صرنا جميعا مثل أ / كمال نبحث عن لقمة العيش
وها هو من خرج مطالبا بالحرية وضد جريمة دسترة التزوير والتوريث
يخرج هاتفا بحماس مطالبا بزيادة مرتبه مع زملائه في الضرائب العقارية للمساواة مع موظفي الضرائب العامة
مرة أخري : هل تضاءلت أحلامنا لهذه الدرجة ؟!!!!!!!!!!!!!!!!!!!!
أشرف نصر

عيون

سألت نفسي : لماذا تري عيوننا دائما عيوب الآخرين ؟
أجبت : لأن عيوننا تنظر للخارج .
سألت : ولو كانت تنظر للداخل وتري عيوبنا ؟
أجبت : لطمسنا عيوننا فورا .
أشرف نصر

ثقة

نضع دائما ثقتنا فيمن لا يستحقونها
فنصاب بالإحباط والشك
ثم
نبحث بإلحاح
عن شخص نمنحه كل ثقتنا
ندور نحن
في دائرة جهنمية.
أشرف نصر

Dec 7, 2007

بلد محتقن حتي مع جوزيه


دلوقتي فاتت ساعات قليلة من وقت تصريحات جوزيه اللي رد فيها علي هجوم اتنين صحفيين بهجوم أعنف منه ..الدنيا ولعت في مصر ..والسيناريو اياه بتاع كل مشاكلنا بدأ ..الصحفيين هاجوا ضده ..وجمهور الأهلي طبعا وقف معاه ..الحقيقة ان هجوم الصحفيين الاولاني فيه جزء من الحقيقة زي ما كلامه تحديدا عن مشاكل اسلوب تدريب الناشيئن في مصر برضه حقيقي لكن محدش هيركز للأسف في (طيب نعمل ايه ؟؟؟؟؟؟؟؟؟؟؟؟) لكن الكل هيركز علي الشكل العام يعني : جمهور الاهلي بيشوف انها مؤامرة ضده من الناس الوحشين اللي بيكرهوا الاهلي ..والصحفيين بيشوفوا انه راجل مغرور وبيسيء لسمعة الصحافة المصرية ولسمعة مصر بالمرة ..جوزيه مش فاهم أزمتنا وهي حكاية الاسطوانة المشروخة : -احنا بلد ظروفه محتقنة ..
-يعني ايه يا اخوانا ..
-يعني بلاش تهاجم حد يا عم الخواجة الحاج علشان الفتنة الطائفية ..
وانتوا يا بتوع الجرايد ..البلد مش ناقص ..خفوا ع الراجل ..
طبعا ده هيكون كلام المسئول الأمني الكبير اللي هيجمعهم ف مكتبهم لشرب الشاي وأكل حته جاتوه ..
وبعدها يتصورا ف صورة وتنزل معاها اغنية :
الصلح خير قوم نتصالح ده الصلح خير
..لكن لا حد هيفكر ف كلام الصحفيين ان الراجل بيعتمد سياسة شرا العبد ولا تربيته ..ولا في منطق جويه وان الراجل معاه حق ف ان سياسة تدريب الناشئين عندنا خربانه لا فيها مدرب احمال ولا طبيب تغذية ولا طبيب نفسي علشان العيال في مرحلة بلوغ ..وننام يومين تلاته والأمن مستتب لحد مشكلة جديدة ..
أما لو تأخر المسئول الأمتي في اجتماع الشاي والجاتوة مش بعيد
ان الصحفيين وجماهير الزمالك ( اللي ناله من هجوم الراجل نايب ) انهم يرفعوا قضية لتفريق جوزيه عن زوجته لأنه مرتد يسيء لسمعة مصر ولازم يترحل بره مصر فورا
وطبعا ساعتها جمهور الأهلي طبعا يعمل مظاهرة من الجزيرة للمطار ويهتفوا : هتولع ..هتولع ..
نموت نموت وعاش جوزيه حرا مستقلا
وسمعني أغنية : والله وعملوها الرجالة ..ورفعوا راس مصر بلدنا
مراسلكم من تحت علم مصر
أشرف نصر
صورة الحاج الخواجه جوزيه من : www.ahlyegypt.com