Jul 18, 2009

إن إن إن



مش أنا غنيت فى حفلة قدام الناس
اللي يعرفوني ممكن يتخيلوا الكارثة
ممكن خيالهم يتصور شكلي زي الفار المبلول
ولو سرحوا بخيالهم ممكن يتوقعوا الكراسي نازلة ترف
ولو الخيال سرح حبتين ..يتخيلوا الناس وهي بتقطع لساني
.....
لكني غنيت وأنا ف ابتدائي
كانت الأبلة والناظرة (حكومي يا آبا ..مكناش بنقول مس ومسز) متسامحين
والعيال زمايلي اتحملوا صوتي الفظيع المريع بفرحة وغنوا معايا
......
ورحمة بالفن وناسه كانت أول وآخر مرة
ومن ستر ربنا ساعتها لسه ما كانش فيه
موبايلات ولا يوتيوب بقي وفضايح
كان زماني باتعرض للابتزاز ودعاوي تعويض للصبح
....
ماعادش فيه حفلات ف المدراس
مش بسببي والله
لكن مرة يتحججوا بحجة الميزانيات (المدارس الحكومي هي اللي تعنيني)
ومرة الناس شايله الهم ومحدش له نفس يفرح ولا يفرح العيال
ومرات لأن كل ما كنت باكبر كان بيزيد عدد اصحاب الفتاوي
وبيزودوا مساحة المحرمات من الحفلات والغنا لحد السلام علي الناس
واسمها عندهم:مصافحة الاجنبيات
وطبعا لازم يقولوا بعدها: والعياذ بالله
.......
كانت أغنية عبد المنعم مدبولي المشهورة ساعتها
فعملت راجل عجوز ومسكت العصاية
وغنيت وغنت معايا المدرسة كلها
إن إن إن
أن ان أن
الشمس البرتقاني عليها ليا سنه.
أشرف نصر

Jul 17, 2009

عرفات



صرح فاروق القدومي ان لديه وثيقة لمحضر اجتماع
بين شارون ومحمود عباس ومحمد دحلان تآمروا خلاله لتسميم ياسرعرفات
ورد عباس بانها اكاذيب ومحاولة لافساد مؤتمر المنظمة القادم واغلق مكتب الجزيرة في الضفة

.......
كيف وصل محضر اجتماع كهذا لقدومي ولماذا سكت من قبل وكيف يثبت ما لديه
.....
وهل يكفي التكذيب واغلاق مكتب القناة في مثل تلك الاتهامات
.....
لماذا لا يود احد فتح التحقيق في موت عرفات
..........
عرفات هو الغائب الحاضر دائما كلما ذكر مسار القضية الفلسطينية
كلما عرضت الشاشات مأساة ذلك الشعب وكوارث قادته في القتال الفلسطيني الفلسطيني
عرفات يحضر للذاكرة دائما كلما واجه الجميع الحقيقة المرة
ان شعبا لم يحصل علي دولته بعد انقسم داخليا بين مملكة الضفة وإمارة غزة
....
من القاهرة الي عمان الي بيروت الي تونس
الي كل ارجاء الارض
واخيرا رام الله بعد اتفاقات اوسلو

اتفق او اختلف مع عرفات .. لكنه عرفات
اذا ما تتبعت سيرة حياته ستعرف كل التحولات التي جرت للمنطقة كلها
...
عرفات بطل درامي بامتياز لا تقل قصة وفاته عن قصة حياته درامية
وتفوق تفاصيلها ما يحدث في السينما

....
في اتصال تليفوني أثناء حصاره الاخير في مقره
ودبابات اسرائيل تقصف المقر جاء الصوت واضحا حاسما
يريدونني قتيلا او اسيرا
يل اقول شهيدا شهيدا شهيدا

...
كيف يموت بالسم من نجا من الرصاص والتفجير وقذائف الدبابات
الحياة أكثر ميلودرامية من السينما


أشرف نصر