شعار المرحلة ..شومة لكل مواطن

كنت مع اصحابي خالد وطارق في المهندسين
" يعني مش عشوائيات "
وجالنا بياع شوم
بيعرض بضاعته
استغربنا جدا
وضحكنا لأن زي ما خالد قال :كانوا زمانوا بيبعوا ورد للناس
البائع ببساطة قال لجارنا في الترابيزة :خليها عندك ف العربية
وقلنا بعد كده هيبيعوا ف الاتوبيسات سنج ومطاوي ومسدسات
وكان شاغلني جراب الشومة
شكله حلو
وفكرني بجراب الآلات الموسيقية
اللي كانوا طلبة المعاهد الموسيقية بيركبوا بيها المواصلات معايا
عظيمة يا مصر
يا أرض الشوم والسنج