بكام دي -
21 -
اوه ..مفيش حاجة أقل ..معملتش حسابي -
معاك كام -
يعني أي حاجة ..كان فيه علبة باخدها ارخص ..بس مش فاكر اسمها -
كانت بكام -
مش فاكر بصراحة -
مش فاكر اسمها ولا بكام ؟ -
أي حاجة أقل وخلاص -
طيب فيه ب8 وب9 وب11 -
ايوه ام 8 كويسه -
اتفضل -
شكرا -
!!!!!!!!!!!!!!! دار هذا الحوار و" الفصال " وأنا أشتري أقراص علاج
أشرف
8 comments:
ممكن ارد عليك بحوار تاني بس حصل قدامي كنت قاعد علي القهوة في وسط البلد اللي جنب البورصة كانت الساعة 8 الصبح و في اتنين قدامي قاعدين و الاول بيقول للثاني تخيل ابني بيقولي اية فاقال الثاني اية؟ فاقال الاول
اية رايك يا بابا في الاحترام
الثاني :رديت قلت لة اية؟!!
الاول : ولا حاجة زي ما انت عملت كدة فضلت ساكت راح الواد رد عليا و قال لي
الابن : اني اكون اعمي و حد بيكلمني و ميبصش في عنيا!!!!!!!
فضلت ساكت زي الاب و يمكن معرفتش اعمل اية والله سعتها يا اشرف غير اني روحت و سالت الاب هو اية اللي خلا ابنك يسال السؤال دة رد الثاني و قال لي ابنة "كفيف"
يا تري اية اللي حصل ع شان الابن يقول كدة دي حاجة في دماغة بقي
اسف علي التطويل يا اشرف
الله يخرب عقلك
بتعتذر عن التطويل لأ يا أخويا طول وطول ..اللي كتبته ما عنديش عليه تعليق غير انه لازم يكون عنوانه
حوار يوجع بجد
مش زي الحوار العبثي اللي حكيته خالص
شكرا
هى كانت اقراص ايه يا اشرف ؟؟
طارق زمزم
وحياة ابوك يا اشرف ما تقول لطارق علبة ايه .... يا طارق حرام عليك انا كنت هاتشل لما قريت الرد بتاعك ..ارحم
الازرق
يا طارق
بطل دماغك دي
عموما هاريحك
كانت أقراص علاج
الأزرق
حمد لله ع السلامة
عموما ما تقلقش مش هاريح طارق وارد عليه
صباح الفل
يا خالد انت و اشرف و اضح انكم ما فهمتوش سؤالى ، الغرض من السؤال كان المداعبه فقط يعنى انا مااقصدش ان انا اعرف نوع الأقراص تحديدا ، دى كانت مجرد مناغشه لأن اللى قاله أشرف ده كارثه، ولا انا كنت لازم اكمل سؤالى و اقول لاشرف انت بتاخد الاقراص دى لمين علشان تفهموا ، اصحوا بقى !! ؟؟
طارق زمزم
طارق :
عارف انك بتهذر فرديت عليك بهزار ..ومعظم تعليقاتك سخرية جميلة لا تضايقني
صباح الفل
Post a Comment