اتجمعوا الاصحاب شعرا وقصاصين في سنورس ومن الفيوم لمناقشة ديوان صندوق روبابيكيا للشاعر الجميل محمد عبد المعطي ..كانت فكرة ممتازة بدل حكاية التأبين وكلمات الرثاء اننا نركز علي حاجات جميلة سابها لنا محمد عبد المعطي واولها شعره ..وديوان صندوق روبابيكيا هو تالت ديوان بعد ما صدر قبلها ديوان رحيق الشهد والمحاياة وديوان بنت ما ولدتهاش ولادة ..وبدأ النقاد في مناقشة الديوان وكالعادة اختلفوا ما بينهم ودخل الادباء علي الخط وسخنت الجلسة بسبب اشعارك يا ابو عبد العزيز ..وحسيت بضحكتك العالية بترن في المكان وانت نفسك نخرج حبايب متجمعين زي ما كنا حواليك
لكن للناس اللي محضرتش الندوة.. الديوان من اصدرات هيئة قصور الثقافة
وأما للي عاوزين يحسوا قد ايه كان محمد عبد المعطي حاسس ان الدنيا لابد تغدر بيه ..وقد ايه شعره بسيط ويوجع القلوب "اللي لسه ممكن تتوجع" دى صورة الغلاف الخلفي للديوان اقرا كلمات سابها لنا الشاعر الجميل محمد عبد المعطي ..يا رب تكون لحظة احباط ومرارة ومتكنوش نبوءة يا أبو عبد العزيز
أشرف
3 comments:
يا نهار ابيض !!!!!!!!!!!!
اية الجمال دة
والله ما ببالغ بس محمد عبد المعطي من الناس القليلة اللي سيرنها مرتبطة بالجمال والابتسامة دايما ..طبعا ما عدا الحادثة الملعونة الأخيرة..الله يرحمه
دة حقيقي الاستاذ صنع الله كتب عنة و فية ناس تانية بس للاسف مش فاكر بس حقيقي هو شخصية حساسة جدا الله يرحمة
Post a Comment