Nov 11, 2012

آسف يا بنتي


حلمت ياما بأول كلمة منك
ماما بابا امبو
أي كلمة والسلام
كلمة يطير على نغمها الحمام
ويزيل الغمام
ويشقق الصبح علينا
وأنا واقف على راس شارعنا
فى انتظار أميرتي  راجعة
من غير كلاب تنهش
من غير كلام يجرح
من غير جهلة عاملين اوصيا
م السما
ترجعي وتحلمي
وتكبري وتعشقي
من غير ما تندمي
ولا تلعني
اليوم اللي انا فيه غازلت مامتك
ورسمنا صورتك
وكتبنا اسمك
وانتِ فى الغيب فكرة حلوة
بس زمن الحلاوة راح
والكلام صبح شبه النواح
والبلد دي خلاص
ما عادش ينفع نخلف فيها بنات !
 http://ashrafnasr.blogspot.com/

1 comment:

ريوبى said...

موضوع ممتاز
ryobi