أمرك عجيب يا دنيا ..هم فقراء "غلابة لا سرقوا ولا نهبوا " لكن حاولوا فقط النجاة ..أتعبتهم سفينة الوطن التي تغرقها الأمواج وسمعوا عن بلاد بعيدة فحلموا بشط نجاة ..من الظلم القول بأنهم هربوا ..هم مثلنا جميعا يبحثون عن فرصة لحياة آدمية فجمعوا المال والمتاع ليس هربا بل علي أمل بالعودة لإعادة الحياة لمن بقي من أهلهم في سفينة الوطن ..لكن الدنيا خدعتهم فركبوا في مراكب موت سريع فتلقفهم المحيط المتوحش ..ركب الفقراء مراكب مثقوبة فغرقت بهم ..تركوا خلفهم الحسرة لأسرهم وتركوا في الوطن ناس كالوحوش ينهشون جثثهم مثل من قال انهم "طماعين " ومن قال انهم شهداء بينما هم تركوا الدنيا كلها خلفهم ..هم لا يريدون وسيطا بينهم وبين ربهم ..ولا يريدون من أحد تذكرة لدخول الجنة ..هم ذهبوا في معركتهم باحثين عن الحياة فاعترضهم الموت .
عجيب أمرك يا دنيا ..عرف هؤلاء مصيرهم فتري ماذا تفعلين بنا نحن الباقون في سفينة الوطن التي تغرق شيئا فشيئا
أشرف نصر
ملحوظة لمن لا يعرف : غرقت مجموعة جديدة من المهاجرين .
6 comments:
اولا انا مبسوط انك بتكتب لسة في البلوج بتاعك الفيس بوك مخدكش مننا :D
مش عارف اقول غير حاجة واحدة ان الشباب اللي بتهرب دي عاملة زي الطفل اللي عايز يخرج من بطن امة و الدكتور مصمم يدخلة مع انة مش هايعمل حاجة في بطن امة غير انة ممكن يضرها او هي تضرة بس هو عايز كدة و الناس دي عايزة كدة مع انهم بيسفروا كثير قوي و لو جينا شوفناهم هما بيعدوا في البلد قد اية ممكن يكون اخرهم يوم ع شان يقبضوا و يسافروا تاني.
مشربية :
خلينا نختلف شوية يا صاحبي
لامح ف كلامك ادانة للشباب المهاجر
مع انهم زيي وزيك وزي كل الناس بيدوروا علي فرصة لحياة آدمية ووراهم عائلات معلقة كل أملهم عليهم وكويس ان اللي بينجح فيهم بيرجع يفيد علي الاقل اسرته
لاحظ يا صاحبي ان البلد شالت ايدها وقالت لا بوظف ولا باشغل حد والقطاع الخاص مشاء الله بيسرح اللي عنده علشان يكسب اكتر ..ما دول لو قعدوا مش هيكونوا زي ما بيقولوا قنبلة موقوتة
ورغم رفضي لطريقة السفر لأنها موت مؤكد لكن متفهم وعاذرهم لأن اللي رماك علي الموت في البحر ان العيشة علي البر العن الف مرة ومش عاوزين ان كل واحد فينا ربه كرمه بطريقة يقدر يعيش بيها بالعافية انه يلوم ناس عايشة ف جحيم وحاولت تخرج منه لكن الدنيا خدعتهم
اسف ع التطويل .شكرا
لا يا اشرف انا مش مختلف معاك انا بقصد بالناس اللي بتقبض و ترجع تسافر تاني "المسئولين" مش بقصد الشباب الغلبان و هما حقهم لانهم مش شايفين اي تغير مع ان المسئولين بيسفروا و يشوفوا طيب ما تتعملموا بقي ولا هو هبل و خلاص فا الشباب حقهم انهم يسافروا و انا معاك جدا جدا لانهم بيكون الحماس واكل عقلهم ع شان كل واحد بيقول انا اللي هاغيرها و هو مش عارف اللي مستنية بس كدة لكن انا مش مختلف معاك خالص و معلش ع شان مكنتش موضح كلامي في التعليق الاول يارب دلوقتي يكون واضح و انا اللي اسف علي التطويل يا حبي :D
ضيعت علي فرصة نتخانق فيها
ماشي تتعوض المرة الجاية
بس وضح من الأول قصدك علشان انا بتلككلك انت بالذات
صباح الفل
:D :D يا باشا برحتك علي الاخر و صباح الجمال و الفل و الياسمين :D
ربنا يرحمهم ارتاحوا و احنا كمان نستحق الرحمه لأننا لسه ما ارتحناش
طارق
Post a Comment