Dec 10, 2007

من المطالبة بالحرية للمطالبة بزيادة المرتب


هل تضاءلت أحلامنا لهذه الدرجة ؟
الصورة من : www.almasry-alyoum.com
وفيها الأستاذ / كمال أبو عيطه ( لم اعرفه شخصيا لكن كغيري ممن خرجوا في السنتين تلاتة اللي فاتوا ) رأيته كثيرا يقود المظاهرات بصوته الجهوري ويهتف بالشعارات المبتكرة والأغاني للتنديد بالديكتاتورية والظلم وسمعته يدافع عن الفقراء والمصريين ضد ربع قرن من الجمود والاستبداد والظلم ..
خفتت المظاهرات والتمديد تم لمبارك لست سنوات جديدة ليجثم فيها علي صدور الشعب المصري
والتوريث للنجل جمال علي قدم وساق وأصبحنا جميعا مشاهدين له وغالبا بلا اهتمام
ولم تبق الأوضاع الفاسدة كما هي بل زادت ألف مرة
صرنا جميعا مثل أ / كمال نبحث عن لقمة العيش
وها هو من خرج مطالبا بالحرية وضد جريمة دسترة التزوير والتوريث
يخرج هاتفا بحماس مطالبا بزيادة مرتبه مع زملائه في الضرائب العقارية للمساواة مع موظفي الضرائب العامة
مرة أخري : هل تضاءلت أحلامنا لهذه الدرجة ؟!!!!!!!!!!!!!!!!!!!!
أشرف نصر

7 comments:

مشربية said...

واحدة و حكموها اتنين اصحاب ومن قلة خبرتهم خلوها خراب!!!!!!!!!

احلمنا بقيت في ازاي نقضي اليوم و احنا شبعانين ازاي بقي هي دي الحكاية

مشربية said...

عارف يا اشرف احنا بجد ندعي باية ؟

اننا لا نلجئ لهذة المظاهرات

ashrafnasr said...

مشربية
التعليق الأول مش فاهمه ..اخوك نظره علي قده
التعليق الثاني : يارب يا اخويا يارب

مشربية said...

الواحدة اللي انا اقصدها هي البلد و اللي اتنين اصحاب عبد الناصر و عبد الحكيم عامر
اي موظف دلوقتي بيدعي ان اليوم يخلص علية و هو شبعان بس كدة دة قصدي من التعليق الاول :D

ashrafnasr said...

نورت المحكمة
الشاهد التاني يتفضل

tarekzamzam said...

هى فين احلامنا دى يا اشرف ، هو بقى فى احلام نحلمها ، دى بقت كوابيس
طارق زمزم

ashrafnasr said...

طارق :
بجد ساعات باتعب من التشاؤم ..مهما كان الواقع مر ساعات بحلم بحاجات حلوة
يمكن بقايا رومانسية بس وماله ربنا يديمها نعمة
صباح الفل واظهر بقي