Sep 1, 2007

مشربية

عندما قررت التدوين تعددت عندي الأسباب وسأرويها في كشف حساب المدونة الذي سأقدمه لنفسي في عيد ميلاد هذه المساحة في 24 سبتمبر تاريخ أول ضربة علي الكيبورد لكتابة أول تدوينة لكن الآن أرغب في الحديث عن هدف تحقق من هذه المدونة وهو التواصل مع من لا أعرفهم ومن قد لا أقابلهم لكن يظل التواصل بيننا حول ما أكتبه من نصوص وتدوينات وخواطر وأحيانا تخاريف
نتفق أو نختلف لا يهم
المهم أن يستمر التواصل وهو ما تحقق مع شاب مر بالمصادفة هنا
فوجد تدوينة عن فيلم يحبه ومن وقتها وهو لا يترك تدوينة إلا ويشرفني بتعليقه أو نصيحة أو سخرية أو تأييد
الشاب الذي صار صديقا لم أره وأود ألا أعذبه بمعرفتي اتخذ اسما جميلا وهو مشربية ومرة ترك اسمه وهو محمد العسكري ..الأجمل أنني عندما زرت مدونته وجدته شرفني بوضع المدونة ضمن المدونات التي ينصح بها غيره ..بالمناسبة بمجرد كتابة كلمة مشربية علي محرك جوجل ستصل لمدونته الجميلة ..وقد تكون فرصة للإعتذار له عن عدم تعليقي فيها لأنني يا صديقي من بتوع سلك التليفون ..لسه التطور بتاع الدي اس ال ما وصلش لي علشان كده بأدون وأجري علي الاي ميل وبسرعة بسرعة ربنا ما يوريك حالتي ..سامحني وادعي لي في شهر اكتوبر ادخل الاختراع العظيم ده وافضالكم ..
تعب مشربية من شكره علي تواصله معي في التعليقات فكان من الكرم أنه ظل يتابع التعليقات ويعتذر عن تأخره أحيانا
الآن أصبحت أعرف أنه بعد ساعات قليلة من أي تدوينة
سيترك مشربية تعليقه
لذلك أشعر بسعادة من تحقق هدف من أهداف المدونة
وسعادة بصداقة من لا أعرفه
شكرا محمد
أشرف

3 comments:

مشربية said...

ينهار ابيض :) يا أشرف كدة مش هاينفع كلمة شكر واحدة دة لازم اشكرك بعدد سكان الصين و اليبان حقيقي انت مش عارف عملت فيا اية و حياة ربنا انا كنت مضايق جدا جدا كلامك دة عمري ما تاخيلت انة يتكتب عني حاجة زي كدة و مش عارف اقول اية بجد انا متلخبط جدا و الله العظيم و حقيقي مش عارف اقول لك اية علي موضوع السيرش عن اسم البلوج و انت يا اشرف حقيقي حاسس كل كلمة في اي موضوع بتكون كاتبة و انا كل ردودي بتكون مستوحاة من مواضيعك سواء اللي بتكون كاتبها و انت مضايق او و انت فرحان و بكون حاسس بيك لان اكيد كل واحد عندة وجهه نظر بيحاول يطلعها للنور و انت عندك وجهات نظر و
اكيد عمري ما هاندم علي معرفتك يا اشرف و الله و علي فكرة انا كمان من بتوع السلك بس و هافضل من بتوع السلك بس انت ربنا يكرمك يا ريس ان شاء الله و في شهر اكتوبر تدخل الاختراع العظيم في بيتكم و بالعكس انت ردك علي تعليقاتي اكنك بالضبط علقت عندي في البلوج و يارب يدمة علينا تواصل اكثر من كدة ان شاء الله و ضيف علي سكان اليبان و الصين سكان الهند و شرق اسيا كلهم بعددهم بشكرك يا اشرف

مشربية said...

شوفت بقي نسيت كمان اني لازم اشكر شريف لانة هو اللي عرفني عليك :D

ashrafnasr said...

الصين واليابان بس طيب قول امبابة معاهم علشان نزودهم شوية ..صباح الفل