Sep 24, 2007

مدونتي العزيزة ..سنة حلوة يا جميل


الساحر جوجل أوصلني لمدونة منال وعلاء ومنها للوعي المصري وتابع جوجل مفاجآته لأجد صفحة " كيف تنشيء مدونة " كتبتها بأسلوب رشيق صاحبة مدونة بنت مصرية .. وهكذا تحركت أصابعي علي الكيبورد لأبدا هذه المساحة ..البداية بتصورات كبيرة حول تحويلها لموقع للأدب والسينما وقليل من السياسة .. يكون به الأخبار والمتابعات والتحليلات .. لكن مجهود موقع بهذا الشكل لم أقدر عليه لا ماديا ولا معنويا ..لذلك تشكلت المدونة كمساحة رأي أو كجريدتي الخاصة ..
أهمس هنا بكلماتي وأقرأ نصوصي وأحيانا أصرخ من الغيظ ..
هنا نشرت بعض نصوصي وكتبت عما أحب من كتب وأشعار وأفلام ..
وهنا أيضا لعنت من أكرههم من أهل السياسة وهتفت بكل قوتي ضد ما أرفضه ..
هنا بعض أحلامي وطموحاتي عن الأدب والفن والحياة
وعن وطني الذي أحبه وعن حلمي بغد أفضل لي وله ..
وتشرفت بتعليقات من عبروا من هنا وتركوا آراءهم فسعدت بتعليقات طارق الساخرة دائما وبدأب مشربية غير العادي وتشرفت بغيرهم ممن كتبوا مرات قليلة مثل شريف البنداري ومحمد كمال ومراقب مصري وعباس العبد وخالد ومحمود ومحمد وحسام مراد وحتى الشخص الذي لم يوقع اسمه ..
ولمجمع المدونين المصريين كل الاحترام فهو ملتقي الأحباب الذي أجد فيه تدويناتي وتدوينات أهلي وناسي ..
حصاد العام يكشف لي عن طغيان السياسة علي المدونة لكن عذري انه عام مرير في حياة مصر بسبب كثرة مآسيه وتجاهل ما يحدث ترف لا أملكه ..
وأما الأدب فقدر المستطاع نشرت أشعار أحبها وأشرت لكتب مهمة ..
لكني مقصر في حق السينما وأتمني أن أعوض ذلك في الأعوام القادمة ..كما أتمني إثراء المدونة بمقاطع الفيديو والأغاني بدون المساس بحقوق الملكية الفكرية ..
أما الفضفضة فقد صارت صلب المدونة لأنني أفهم ذاتي عبر الكتابة ..
أملي أن تكون أعوامك القادمة يا مدونتي أفضل وأمتع ..وهديتي لك هي تدوينتي القادمة ..اخترت كلمات سلطان العاشقين فتمتعي وأمتعي بها كل العابرين هنا .
أشرف نصر

5 comments:

مشربية said...

كل سنة و المدونة بالف خير و ثقافة اكثر و عقبال متكون ورقية

مشربية said...

نسيت اقول لك ان الصورة عجباني جدا جدا

ashrafnasr said...

ميرسي يا جميل
وانا كمان بحب الصورة دي جدا
وفكرة تحويل المدونة لورقية فكرة روعة منك ..بس ربنا يقدرنا ..مش دلوقتي
لكن مين عارف بكره فيه ايه

Anonymous said...

احساسى ان المدونه دى مش بس شىء او طريق او حتى لوحه بتعبر من خلالها عن ارائك و تنشر فيها افكارك و جديدك من الكتابه
متهيألى انها بتمثل لك شىء اعمق من كده بترمى فى همومك و احزانك و قليل من افراحك و ده لأنك عايش فى قلب و فكر الواقع المر بل فى نبضه و مش قادر تخرج و لو جتلك الفرصه انك تخرج بارضو مش حتجرج لأنك واحد من الناس و كتاباتى الساخره اللى انا بكتبها مش محاوله للخروج من الواقع او الهروب منه لأن انا زيك عايش الواقع ده بآلامه لكن هى محاوله للتجنن على الواقع لأن الواقع بالفعل مجنون و علشان تقدر تقاوم و تعيش فيه لازم تكون اجن منه او تتجنن عليه و إلا حتفضل تكتم .. تكتم .. تكتم .. لحد ما تموت او تطق او تنتحر ما عنكش حل رابع و ساعات الواحد بيفضل يكتم كتير فوق طاقته وصولا إلى مرحلة الإكتئاب و ساعتها يا حتتجنن يا حتنتحر و فى الحاله الأولى ممكن تبقى استريحت و فى الحاله التانيه حتموت كافر فالأحسن انك تلحق نفسك فى اللحظه المناسبه و تتجنن بس على الواقع
كل سنه و مدونتك احلى و اجمل
و علشان ما اقطعش عادتى لازم اقوللك حاجه ساخره كده
انت عارف لو اتجوزت كل مشاكلك حتتحل و حتنسى المدونه دى و كمان يمكن تضحك على ايامها
طارق زمزم

ashrafnasr said...

طارق
والله زمان يا عم طارق
أولا :تحليل جميل ولو إن بفضل أنتحر عن الإكتئاب أصلي زهقت م الإكتئاب
ثانيا : لو أتجوزت ممكن أنسي نفسي مش انسي المدونة إنما المشاكل تتحل ده كده تبقي انت متفائل
صباح الفل